Ka Ministry of Home Affairs (MHA) da yoh por biang ko sa chisien iwa da man leh i sien wa ynru naka Parliamentary Committee on Subordinate Legislation ka Rajya Sabha waka Lok Sabha yow pyndep u chna ya ki kyndon namo ki Rules krehkaam ka Citizenship (Amendment) Act (CAA), 2019.
Ka Parliamentary Committee da mynjur ko wow e por biang ya ka MHA ha uni u bnai hadien wa da paan por biang.
Kam wow pynkynmoo wa ka aiñ CAA da mynjur wow pynman aiñ da ka Parliament ha ka 11-12-19 wei da yoh yei mynjur na u President pyn ha ka sngi wa bood. Ha u Duyatra (Jan) 2020 da pynbna da ka Ministry wow tipmit noh ya kani ka aiñ wei u krehkaam ko nadooh ka 10-01-20 tangwa da paan por na ka Parliamentary Committee ka Rajya Sabha wa Lok Sabha yow pynkrehkaam ya ki kyndon kani ka aiñ neidaw wa em ka khlam COVID-19.
Kamtæ i e por wa san da kut i ha ka 9 tarik uni u bnai iwa man 6 bnai wa e por.
Hachwa ini da paan por hadooh u Naiynñiaw 2021, wei chwa ini da e por hadooh u Naitung (Apr) 2021 wei kawa nyngkong dooh wa e por toh hadooh u Naisan 2020 yow pynmih ya ki kyndon (Rules) ka CAA hapoh ka Gazette of India.
Ka Ministry of Home Affairs ha ka 2 tarik u Thohlakhmi (Feb) 2021 da pyntip ko cha ka Lok Sabha wa ki Rules dang chna ya ki wei da dep paan por na ka Committee on Subordinate Committee ka Lok Sabha waka Rajya Sabha.
