Ki Transit Homes namo ki thaw sah neibynta ki manbei wa da toh por u kha khon kiwa da booh hapoh ka Chief Minister Safe Motherhood Schemes (CM-SMS) da man ki ka kyrkhu ya ki manbei wa ye u em hei maa hawa kha khon khamtam kiwa sah cha ki chnong wa jngai na ki thaw sumaar wei man ko leh yow pynduna yei khlaad heipor wa kha khon kamjooh i yap ki khonboo wa dang khian hapoh Meghalaya.
Ka wi na kiwa yoh myntoi toh ka Tira T Sangma (21 snem) kawa em hei maa hawa kha khon kawa sah ha i chnong Imbegre, i chnong wa em cha kdong bha ha West Garo Hills District kawa da toh u kha yei khon wa le ko ha Asanang PHC. Wei ini da man i leh i sien wa nyngkong ya ka wow kha khon ha ki thaw sumaar katwa kiwi ki arngut da kha ko ha yung.
Ka Tira da chem toh kawa duna snaam heipor wa chimbynta ko ha ka Village Health Nutrition Day (VHND) wa pynman da ki Auxiliary Nurse Midwife (ANM) heiwa da sneiñ ya ka wym toh u kha khon ko ha yung. Kamtæ 10 sngi chwa wow kha khon ko, ka deilang wa u kurim ko da kit ya ki cha Asanang Transit Home wa pynlai da ka Mahila Asanang Self Help Group iwa da wan wow wai leh da u Montri Rangbah ka jylla, u Conrad K Sangma.
Hapoh ka CM-SMS Scheme da em soo tylli ki bynta heiwa da booh nyngkong ya kini ki Transit Home, i pynsñiawthooh paidbah wa leh da ki ANM, i booh ya ki kari ha ki PHC wa CHC neibynta wow kit ya kini ki manbei wei da e poisa yarap leh ya kitu kiwa jooh pynkha khon ha yung yow lai lang ki wa kiwa hayung kawa punkhon wei wow sah lang wa ki.
Kini ki Transit Homes kiwa em hajan ki PHC/CHC toh yow suk leh u lai leh tista ya ka Medical Check-Up, u yoh dawai, i baam wa biang wei e sikai leh chapang i rukom e bu khon kamjooh i e tika wa kiwi wa emkaam wow tip kam ki manbei.
Ya kani ka Scheme da sdang ha uni u snem wei hadooh katni da em 129 tylli ki Transit Home ha kylleiñ ka jylla wei da yoh myntoi la kamwa 600 ngut ki manbei wa em hei maa. Ki PHC/CHC kiwa em thaw wow booh ya kam kini da booh pyn ha pchem ka thaw sumaar katwa kiwi won ki wym em thaw da booh deiwa ya krehlang wa ki Self-Help Group wa kiwi ki bru samen yow thooh thaw yow booh ya kini ki Transit Home.
Iwi na ki daw wa kha khon ki kynthai ha yung heithaw u lai cha ki thaw sumaar toh neidaw wa tieñ u ieh ya ki khon ha yung khlem em wa pait boon sngi tangwa hapoh kani ka Scheme, ki manbei ym hap ki wow ieh ya ki khon heiwa da booh thaw sah leh ya ki khon ha kini ki Transit Home deiwa em leh kiwa pait ya ki.
Ka Tira T Sangma nyngkong da artatien ko wow lai kha khon cha ki thaw sumaar tangwa hadien wa pynsñiawthooh ya ka yei maa wei deiwa pynbor u kurim da bien ko wei da em ko ha Transit Home la san sngi wei daw kha khon ko hadien san sngi wei da sñiaw chngaaiñ ko wa da em ko ha ki kti ki bru wa pliah ya ini i kaam.
