Ka chnat rel ka ri namo ka Indian Railways da pyndait Wi-Fi ko ha ki 6,000 tylli ki Railway Station hapoh ka ri khnang wow pynsuk ya ki paidbah kiwa lai wa wan.
Da i pynkrehkaam ya ka Wi-Fi ha Hazaribagh, Hazaribagh District ka Jharkhand kawa haap hapoh ka Dhanbad Division yong ka East Central Railway ha ka 15 tarik da man ko ka Station rel kawa 6,000 wa da yoh Wi-Fi.
Ka Indian Railways da sdang ko wow booh Wi-Fi wa nyngkong dooh ha ka Railway Station Mumbai ha u Duyatra (January) 2016 heiwa ka Railway Station ha Midanpore, West Bengal da man ko kawa 5,000 bood won sa ka Hazaribagh ha ka 15 tarik uni u bnai yow pynpoi 6000 tylli.
Ha kani ka jooh hi ka sngi ka Jarapada Station, Angul District ka Odisha da yoh ko leh wow pynkrehkaam ya ka Wi-Fi.
Ini i pyndait Wi-Fi ha ki Station rel man i leh kam chibynta yong ka thong krehkaam ka ri ya kawa da tip kam ka Digital India Program khnang wow pyndooh yei yaphær hapyrdi ki paidbah ka thaaiñ sor wa kiwa ha thaaiñ palat-sor.
Ya ki Wi-Fi da pyndait hei krehlang wa ka RailTel kawa man ka PSU yong ka chnat rel chirup wa ka Google, DOT (hapoh ka USOF), PGCIL wa ka Tata Trust.
Ki jylla ha kiwa ki Station rel da em Wi-Fi ki hadooh ka 15 tarik uni u bnai man ki kamni hawah:
| SN | State/UT | No. of Stations |
| 1 | Andhra Pradesh | 509 |
| 2 | Arunachal Pradesh | 3 |
| 3 | Assam | 222 |
| 4 | Bihar | 384 |
| 5 | UT Chandigarh | 5 |
| 6 | Chhattisgarh | 115 |
| 7 | Delhi | 27 |
| 8 | Goa | 20 |
| 9 | Gujarat | 320 |
| 10 | Haryana | 134 |
| 11 | Himachal Pradesh | 24 |
| 12 | Jammu & Kashmir | 14 |
| 13 | Jharkhand | 217 |
| 14 | Karnataka | 335 |
| 15 | Kerala | 120 |
| 16 | Madhya Pradesh | 393 |
| 17 | Maharashtra | 550 |
| 18 | Meghalaya | 1 |
| 19 | Mizoram | 1 |
| 20 | Nagaland | 3 |
| 21 | Odisha | 232 |
| 22 | Punjab | 146 |
| 23 | Rajasthan | 458 |
| 24 | Sikkim | 1 |
| 25 | Tamil Nadu | 418 |
| 26 | Telangana | 45 |
| 27 | Tripura | 19 |
| 28 | Uttar Pradesh | 762 |
| 29 | Uttarakhand | 24 |
| 30 | West Bengal | 498 |
| Total | 6000 |
