U montri ka chnat i chait i khiah ka Assam u Himanta Biswa Sarma ynne ka sngi da pynbna u wa da em 134 ngut kiwa dang yoh thymme ya u COVID-19 ha Assam.
Nynkong da pynbna u chisien pynbna wa da em 47 ngut kiwa dang yoh thymme.
Hadien ini da em 2 ngut kiwa na Nagaon. Hadien kini da em sa 19 ngut heiwa 7 ngut toh na Karimganj, 5 ngut na Goalpara, 3 ngut na Guwahati wa mar uwi na Dhubri, Hailakandi, Udalguri wa Lakhimpur.
Da pynbna won u sa 27 ngut kiwa na Golaghat. Pynbood won sa 23 ngut heiwa na kini 21 ngut toh na Kamrup Metro wa mar uwi na Nagaon wa Darrang.
Sa 16 ngut da pynbna u chwa i chiteiñ synyaw heiwa na kini 6 ngut toh na Hojai, 6 ngut na Golaghat, 2 ngut na Darrang wa mar uwi na Kamrup Metro wa Kamrup.
Wa kini, kiwa chah ktah ha u COVID-19 ha Assam da em ki 682 ngut, kiwa chait 62 ngut, kiwa dang em ya uni u khñiang (Active Case) da em ki 613 ngut, 4 ngut kiwa yap wa 3 ngut kiwa da mih napoh ka jylla.
Discussion about this post