La 70% da pyndep yei chna yaka Solid Waste Disposal Plant neibynta ka Jowai wa Khliehriat

Ka mukotduma PIL wa da yaleh da ka Synjuk Ki Waheh Chnong Jowai heiyatoh wa i jhep ha Jowai da chong bichaar biang ka da ka High Court ka Meghalaya ynnin ka sngi heiwa ym em wa wan mihkhmat ya ka synjuk heiwa ka yung bichaar da ong ko boi ini toh i dak wa bha wa da sdang lai bait ki kaam.

Ka Jowai Municipal Board da pyntip ko wa da lai kit ko yei jhep dei langær katkam wa da phah ka yung bichaar.

Heiyatoh won waka 10 TPD Solid Waste Management wa em ha Khliehriat, neiliang ka sorkar jylla da pyntip ko wa kani ka Solid Waste Disposal Plant kawa man leh neibynta ka chnong Jowai wa Khliehriat da dep u pynchna la 70% kat hadooh ka 4 tarik uni u bnai.

Neiliang ka High Court da yooluti ko wa daw ye u pyndep chna chwa u kut u snem kamwa da dep booh por.