La 787 ngut wa yap hei dat bomb ka US-Israel ya ka Iran

I yap ki bru hei dat bomb ka US-Israel ha Iran da ku i cha ka 787 ngut ynnin ka sngi katkam ka yukheiñ ka Iranian Red Crescent Society. Kani ka seiñ da ong ko wa da chah dat Bomb ki 153 tylli ki sor ka Iran.

Chooh chooh da ong wa da haap ki Bomb ha ki 504 tylli ki thaw na ki 1,039 tylli wa da siat ha ka thma wa da sdang nadooh ka 28 tarik u February.

I thooh ya kiwa chah tlep ha i oor ki yung dang pteiñ i hadooh ynne ka sngi heiwa ya kiwa mynsoo da kit cha thaw sumaar. 

Ka United States wa Israel da dat Bomb ki chirup ya ka Iran deiwa mang ya ki khlieh chipai wa ki khlieh synchaar ka ri heiwa u khlieh dooh ka ri Iran u Ayatollah Ali Khamenei da yap u hei dat Bomb ha ka 28 tarik.

Kam ka dak wow pynuiñ yei chah dat bomb, ka Iran da siat Missile ko wa ki Drone cha Israel wa ki ktem chipai ka US Military ha ki ri wa em ha West Asia.

Related posts

E yarap u Sniawbhalang neibynta ka madanbol wa ka RCLP School ka chnong Sohphoh

March 4, 2026

Sahkut ka Truck wa kit Hume Pipe hawa lai cha Muktapur

March 4, 2026

Ha ini i dat Bomb da chah dat leh ka skur ha sor Minab ka Iran heiwa da yap 165 ngut ki khynnah kynthai ha chnong Minab.

Ya kini ki khynnah da tlep ha kawi ka thaw deiwa wan ki hajar ngut wow sñiawlem wei wow beiñ yeini wa da jia.