Heiyatoh wa i chah slaitbor ki ar ngut ki khynnah kynthai ha kiwa boon ngut ki bru iwa da jia heipor wa pynman yaka Chenga Benga Mela hajan i chnong Garobadha, South West Garo Hills iwa da jia haka 17 tarik uni u bnai, da yoh wow kem ya 8 ngut ki bru kiwa da suba wa emkti ha ini i kaam.
Nyngkong da yoh u kem 4 ngut hadien won 3 ngut haka 26 tarik katwa uwi won da kem ynnin ka sngi deiwa ya krehlang wa ki pulit ka Assam na Tippa Bara Bazar na thaaiñ Mankachar, Assam.
Kiwa da yoh u kem chwa waroh toh kiwa Teporpara, South Salmara, Mankachar District, Assam iwa man i thaw wa hajan wa i thaw wa chah slaitbor iwa man leh kam ki thaw khappood.
Uwa dang dep chah kem ynnin toh uwa man leh kam u bru wa hakhmat wa da leh yeini i kaam.
Kiwa da dep chah kem da dep phah kset ki 5 sngi ha kti ki pulit wei dang thooh leh ya kiwi de kiwa ye u emkti ha ini i kaam.
Heiyatoh won wa i chah slaitbor ka kynthai wa em ha Shillong ha kiwa da riñ Video ya ini wa da leh ki, neiliang u SP ka East Khasi Hills da pyntip u wa ki pulit da sñiawskem ki wow ye u Charge Sheet noh ya ki 4 ngut kiwa da cheh kem heiwa uwi na ki toh uwa dang hapoh 18 snem.
Discussion about this post