U Symbood Montri Rangbah ka jylla, u Sniawbhalang Dhar, ynnin ka sngi da lai hiar u da oo hi yow lai pait yei pynkreh ya u sarok Ummulong-Tyrchang-Bamkamar uwa jrong 22 Km.
Da wan synraan ya u Symbood Montri Rangbah ha katai ka sngi da u SDO ka PWD Jowai Central Division, u O. Thubru wa u Engineer, u Y. Shangpliang ryngkat ki waheh chnong wa ki bru waheh yong ki chnong wa lai luti uni u sarok.
Ya uni u sarok da sdang pynkreh nadooh u snem 2022 wei da booh thong wow pyndep ha u snem 2025 hei lut wa Rs. 42 klur tam.
Ha ini i lai pait da chem wa i kreh ya uni u sarok dadep kamwa 90%, heiwa neiliang u Sniawbhalang da kyrpaad u ya ki sahep ka chnat wow pait bniah yeini deiwa booddien kamjooh wow chimkhia khnang wa i pynkreh ya uni u sarok u man ko katkam wa da thmu.
Discussion about this post