U montri rangbah ka jylla Meghalaya u Conrad Sangma da pyntip u wa nadooh ynnin hadooh ynne ka sngi ka 6 tarik hadooh 6 waje i janmiet da em 955 ngut ki bru kiwa sahkut cha kiwi ki jylla wa em haka thaaiñ mihsngi ka ri da poi biang ki chapoh ka jylla Meghalaya.
Da pyntip u wa 557 ngut toh kiwa psiah lyngba ka Byrnihat, Ri Bhoi District, 277 ngut kiwa psiah lyngba ka Bajengdoba, North Garo Hills, 76 ngut na Ratacherra, East Jaiñtia Hills wa 45 ngut na Tikrikilla West Garo Hills. Kini waroh daw hap leh ki yaka Quarantine deiwa chongkset 14 sngi ha yung ki deilang wa kiwa hayung yong ki, heiwa ha kini ki por, ki marbaam wa emkaam daw pynbiang ka sorkar.
Chooh chooh da pyntip u wa hadooh 6 waje ynne i miet, na kini ki 955 ngut, da dep sylli (Screen) ya 649 ngut.
Discussion about this post