Jowai: La ar bnai tam kattu ki chnong kiwa haap ha khappood India-Bangladesh wa kynthup ya ka Hawai Bhoi, Amsku wa kiwi kiwi de ki chnong da chong ki hei doom nadoooh u Duiyatra (Jan) uni u snem.
Ini i dooh bordiñ kini ki chnong khappood da jia i hadien wa khlaad kawi ka kynthai neidaw wa chah pam pyrthat ko ha chnong Muktapur, West Jaiñtia Hills District hadien wa pyllait im ko ya uwi u khynnah wa dang san snem i rta uwa da chah riñ bordiñ ha u sainar wa kdoh pynskem ya u chrot Light uwa da pyndait lang wa u pipe umkor uwa em hapoh ka chnong.
Da pynbaad wa kiwa chong chnong wot hadien ini i jia hadooh katni ym em de yoh bordiñ ki wot hadien wa da ood ki cha ka tnat MeECL wei da pynsñiaw ki yei sñiaw phylla chwa ka sngi thap Vote won da poi biang i bordiñ wei hadien won ymtip na iyi i daw da pyndooh biang ya ka bor diñ tangwa ka bai bordiñ won da poi ko thij thij ha manla ki manyung.
Kiwa chong chnong ka thaiñ khappood da kyrpaad ki ya ka tnat bordiñ wow pynbiang ki ya ka bordiñ wow lait na iwon iwon i eh i khoo khamtam ha i por miet heiwa boon wan tia kiwa na Bangladesh wow tooh dieñ wei wow tooh masi.
Discussion about this post