Kiwa dang yoh COVID-19 ha Meghalaya da neh ki hapoh 50 ngut la 16 sngi, hapoh 100 ngut la 40 sngi wa hapoh 200 ngut la 56 sngi heiwa ynne da boon biang da kiwa yoh la ar sngi.
Kiwa dang yoh ynne ka 17 tarik da em ki 37 ngut, kiwa dang chait 34 ngut wei ym em kiwa dang yap.
Kiwa dang yoh toh ha East Khasi Hills (20), East Garo Hills (07), West Garo Hills (04), East Jaiñtia Hills (01), West Jaiñtia Hills (01) wa ha West Khasi Hills (01).
Na kiwa chait kiwa boon dooh toh ha East Khasi Hills (25) wa ha Ri-Bhoi (05).
Ki District wa boon dooh kiwa dang chah ktah toh ha East Khasi Hills (190), West Garo Hills (18), East Garo Hills (16), Ri-Bhoi (15), West Jaiñtia Hills (11) wa ha West Khasi Hills (10).
Ki District wa duna dooh kiwa dang chah ktah toh ha North Garo Hills (00), South West Khasi Hills (00), South Garo Hills (01), South West Garo Hills (01) wa ha East Jaiñtia Hills (04).
Waroh kiwa da chait da em ki 97.94% kiwa em 82,386 ngut, kiwa dang chah ktah da em ki 0.31% kiwa em 266 ngut, kiwa yap 1.74% kiwa em 1465 ngut, deilang dapoi 84,117 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 18,84,076 sien heiwa ynne ka sngi da e 6629 sien wa kynthup ya ki HCW 20 ngut, ki FLW 89 ngut, kiwa 18 snem chaneiñ 5391 ngut wa kiwa 45 snem chaneiñ 1129 ngut.
Waroh kiwa da yoh tika chisien da em ki 11,36,168 ngut wa 7,47,908 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
