Kiwa dang yoh COVID-19 ha India ha kini ki 24 kynta da em ki 2,17,353 ngut iwa man leh iwa boon dooh haka chi sngi wei ka sngi wa ar wa em palat 2 lak ngut kiwa dang yoh, kiwa dang chait da em ki 1,18,302 ngut, kiwa dang yap da em ki 1,185 ngut iwa mut wa kiwa dang em ya uni u khñiang da ku ki da 97,866 ngut.
79% na kiwa dang yoh thymme toh kiwa em ha ki 10 tylli ki jylla kiwa boon dooh ha Mahrashtra 61,695 ngut, Uttar Pradesh 22,339 ngut, Delhi, 16,696 ngut, Chhattisgarh 15,256 ngut, Karnataka 14,738 ngut, Madhya Pradesh 10,166 ngut, Gujarat 8,152 ngut, Kerala 8,126 ngut, Tamil Nadu 7,987 ngut wa ha West Bengal 6,769 ngut.
66% na waroh kiwa dang em ya uni u khñiang da em ki ha ki 5 tylli ki jylla kiwa boon dooh ha Maharashtra (39.60%), Uttar Pradesh 8.27%, Chhattisgarh 7.76%, Karnataka (6.15%) wa ha Kerala (4.08%).
Na kiwa dang yap kiwa dang yap kiwa boon dooh toh ha Maharashtra 349 ngut, Chhattisgarh 135ngut, Delhi 112 ngut wa ha Uttar Pradesh 104 ngut.
Waroh kiwa da chait da em ki 87.80% kiwa em 1,25,47,866 ngut, kiwa dang em ya uni u khñiang da em ki 10.98% kiwa em 15,69,743 ngut, kiwa yap da em ki 1.22% kiwa em 1,74,308 ngut, deilang dapoi 1,42,91,917 ngut kiwa da dep yoh ya uni u khñiang hapoh ka ri.
Heiyatoh wa i e dawai yada COVID-19, da dep wow e la 11,72,23,509 sien wa kynthup ya 10,22,39,248 ngut kiwa da yoh chisien wa 1,48,56,789 ngut kiwa da yoh la arsien, heiwa ynnin ka sngi da e 27,30,359 sien.
