Jowai: Sñiawdiaw ki paidbah ka chnong Namdong – A wa dooh ka bordiñ kattu la palat chi bnai hanlada ya ka bai bordiñ da su pyndep man la u bnai du neidaw wa sih u Transformer.
Katkam ka khubor wa da phah da u D. Lyngdoh uwa man leh kam u Waheh Chnong ka Namdong – A da ong wa u Transformer ha chnong da dooh u nadooh ka 19 Duyatra (January) 2018, wei da pyntip cha ki bor ka MeECL ha ka pyn ha ka 21 tarik u jooh u bnai, ha kani ka sngi da phah wow pyntip cha ki bru kiwa dang sah ka bai bordiñ wei hei yatoh wa ini da pyntip wa wa waroh kiwa pynemkaam ya uni u Transformer da dep su lut ki ya ka bai bordiñ, lait noh kitu kiwa da pyndam saam bordiñ.
U SDO da ong u wa ym em Transformer de, wei daw wan pyndait ki da uwi manda yoh ki, hei yatoh wa ini ki paidbah da yang ki hadooh kamwa ar tayaw tangwa itæ ym em man kaam i.
Kiwa kitkaam chnong da lai mih biang ki cha kani ka yung krehkaam chwa ka Election wei da yang bait ki wot hadooh ynne ka 7 tarik leh wei da lai mih biang ki wei da yoh ki leh yei jooh hi i jubab.
Kamtæ ka chnong da kyrpaad joor ko ya ka MeECL wow chimkhia yeini waroh neibynta ki khon ka chnong khamtam ha kam kini ki por wa em exam ki khynnah.
Discussion about this post