La chi bnai wa lait u khynnah wa chah rahbor na SWKH tangwa dang neh u ha Bangladesh

Shillong: Kiwa ha yung ha sem u khynnah Khasi wa 19 snem i rta wa pyllait da ki pulit ka Bangladesh uni ha u bnai wa dadep da paan yarap ki naka sorkar jylla yow e kti noh ki pulit oo cha ki pulit ka Meghalaya.

Uni u khynnah da tip pyrtuid kam u Dajied Kynsai Syiemlieh uwa kreh ha kawi ka paar moo wa em ha Nongjri-Umsur wa em ha South West Khasi Hills wei da chah rahbor u ha ka 27 tarik u Naitung (April) wei da pyllait ya oo ha ka 15 tarik Naisan (May) wei ki pulit ka Bangladesh da kem ki ya uwi u bru wa emkti wow rahbor oo.

“Da jan dap chibnai wa da pyllait ya oo da ki pulit ka Sherpur District ha Bangladesh tangwa hadooh ynne ka sngi ympu em u yoh i u yaklam wa u Dajied, wei da yoh i du ki dur wa ong wa em u ha ka Indian Embassy ha Bangladesh,” ong u Donald Syiemlieh u ma uni u khynnah uwa man leh kam u Secretary ka Umthied Pynther ha chwa wow lai yachem u wa u HDR Lyngdoh u montri ki kaam pohyung ka jylla.

Da ong u leh wa u SP ka South West Khasi Hills, u Herbert Lyngdoh da pyntip u ya oo wa uni u khynnah em u hei chait i khiah.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kiwa ha yung ha sem uni u khynnah da pyntip ki leh wa u Lyngdoh da ong u wa slem wow e kti ya uni u khynnah toh neidaw ka Eid Ul-Fitre wei da man ko ka sngi chuti kamtæ da slem wow pyndep ya ki kot ki sla wa emkaam.

U Syiemlieh won da ong u wa u montri da pyntip u wa emkaam u Dajied wow yoh ya ka Transit Visa.

U montri leh da kular ha khmat ki heh pulit ka jylla wow chimkhia ki ya ini i kaam yow pynpoi yung noh ya u Dajied.