Ka khlam COVID-19 kawa da sdang na ka ri China da poor ko cha kylleiñ ki ri ka pyrthai du hapoh ynru bnai donhi kawa da chim yei mynsien bru wei da wanrah ko leh yei sangeh i rukom im ki bru ha kylleiñ ki ri.
Hadooh ynne ka sngi, katkam ka yukheiñ ka Johns Hopkins University & Medicine da ong wa kiwa da yoh ya u COVID-19 ha waroh ka pyrthai hadooh ynne ka sngi da em palat 1 klur ngut.
Na kini kiwa boon dooh wa yoh ya u COVID-19 toh ha da em ki ha ka ri United States of America kiwa da em 25 lak tam, bood sa ka ri Brazil heiwa kiwa da chah ktah ha uni u khñiang da em ki 13 lak tam ngut, ka Russai heiwa da em 6 lak tam ngut, neitæ ka India 5 lak tam ngut.
Kiwa da khlaad waroh ha pyrthai na kani ka khlam em ki kamwa 5 lak tam wei ka ri wa boon dooh kiwa da khlaad em ki ha United States heiwa kiwa da khlaad em ki palat 1 lak tam, bood won sa ka ka Brazil heiwa kiwa da khlaad da em ki palat 57 hajar ngut, ka United Kingdom heiwa kiwa da khlaad da em ki palat 43 hajar ngut.
Chooh chooh waroh kiwa da chait ha pyrthai em ki 50 lak tam wei kiwa boon dooh kiwa da chait toh ha Brazil heiwa da em 7 lak tam kiwa da chait, bood saka United States heiwa da em ki palat 6 lak tam, ha Russia duna 4 lak ngut kiwa da chait.
