Uwi u bru waheh wa tip pyrtuid kam u EB Nongshli (47 snem) uwa na ka chnong Umtasor Mawdkhar katwa dang chong ke u ha ka yingkieñ ka wah Ïewsier wa em ha Ri-Bhoi deilang wa ki paralok da toh haap pathan u cha ka wah wei neidaw wa heh kani ka wah da chah kit uni u bru hadooh wym pu chem ya oo hanla ki lok wa kiwa chong chnong da kreh chitom ki wow thooh ya oo.
Ini da jia i hei janmiet ka 27 tarik uni u bnai heipor kamwa 7:00 waje wei ki lok wa emlang wa oo da ong ki khlem dapoi pyrkhat da haap u na kani ka yingkieñ cha ka wah.
Hawa yaklam wa u waheh chnong ka Umtasor Mawdkhat, u R. Mukhim da khana u wa ini da jia i heipor 7:00 waje wei da pyntip wut-wut cha ki pulit ka Nongpoh kiwa da wan cha kani ka wah.
Chooh chooh da pyntip wa neiliang ka chnong da pyrchang ki wow ngam ha katai ka wah waroh chi miet tangwa ym pu em chem ya uni u bru wei da hiar biang leh ynne i step yow thooh.
Ka Phyrnai Nongshli ka payu ar bei uni uwa haap, da khana ko wa u da mih u na yung dang step dei thmu wow lai cha lyngkha tangwa hei miet da yoh ya ka khubor wa sñiawsih wa da haap u cha kani ka wah.
Da pyntip ko leh wa mar ya yoh ya ka khubor da lai phet cha kani ka thaw yow thooh ya uni u bru ryngkat ka chnong.
Discussion about this post