Ka seiñ HNYF Bakur-Dawki Unit da thoh ko cha u Chief Engineer (Distribution) MeECL wow dawa pynpoi noh ya u Transformer hapoh ka chnong Bakur-Dawki kawa da maad yei sñiawsih hadooh kattæ kattæ wa hap ki wow chong hei doom man-ka-miet la chi tayaw neidaw wym yoh Transformer de.
Da ong wa ini da pynjynjar ko ya ki paidbah wei da wanrah leh yei dooh nong ya ki bru wa kreh yei kaam yong idæ ha ki ar tylli ki chnong kitæ ka Bakur waka Dawki.
Uni u Transformer toh uwa em hajan ka IB ka PWD ha Dawki.
Da kdaw wa ki bru wa kreh ya ki kaam leh Welding, kiwa chna chuki (Furniture) wa kiwi de ki jait kaam wa emkaam bordiñ da dooh nong bha ki kamjooh leh kiwa pynkhreh Exam Class-X wa kiwi de.
Kamtæ da kyrpaad neibynta kiwa chong chnong ka Bakur wa Dawki wow pynpoi smat ya u Transformer yow suk ki paidbah. Neiliang ki sahep ka MeECL da kular ki wow chimkhia ya ini i kaam.
