La du Rs. 1 chi churia yoh ka JHADC na ki Cement Factory da ye u su tulop kiwa kreh: Daiapherbha Lamare

U Daiapherbha Lamare, u kyrtong ka National People’s Party (NPP) na 28-Narpuh Constituency cha ka Jaiñtia Hills Autonomous District Council (JHADC) da pynbna u ya ki yurim wa yieñ yaleh Election u deiwa yada yei hok, ka dustur riti wei wow wanrah ya ka roi ka paar.

Da ong u wa u yieñ u wow yaleh yow yada yei khyndaw u chyiap, ka dustur riti deilang ka Sixth Schedule kawa man ka stieh wow yada yei hok kam ki tre chnong.

U yaleh u leh wow wanrah ya ka Jaiñtia Hills Autonomous (Village and Town Development Council) Bill 2023 yow yoh noh ko ya ka muhor u Lat ka Meghalaya yow pynsuk ya ka Council wow yoh ko ka yarap poisa (Direct Funding) na ka sorkar pyrdi iwa daw pynmyntoi ya ki chnong ki thaw.

U pynkylla leh ya Professional Tax deiwa wanrah leh ya ka Digital Payment wei u kheiñ leh dewi ya ka Rs. 2,500 kawa da booh deiwa kheiñ noh katkam wa heh i khih i khan wa i nong wa yoh ki bru yow pynkhlan yei ye ka Council u pynmih poisa.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh wa ki karkhana pynmih khyndaw-bilat namo ki Cement Factory kiwa em 9 tylli du ha East Jaiñtia Hills, da ong u wa ka JHADC toh u yoh ko yei bhah wa biang wei lada du chi tangka kawi ka churia Cement lai ko cha ka Council, daw ye u su tulop kiwa kreh neibhah du neini daw ye u pynmih Rs. 6-7 klur chi bnai.

U Daiapherbha da kular u wow e 50% na ka tulop u neibynta ki kaam wa yatoh wa ki khynroo khyllood deiwa chna ya ka Youth Development Centre.

Daw wanrah leh ki Coaching wa Skill Development Centre kiwa biang ki bru wow sikai yow pynkhreh yaleh Exam UPSC, MPSC, SSC, DSC, Bank PO, Bank Clerical wa kiwi de najrong wow e sikai leh yow man kam ki Mechanic, Plumbing, Embroidery, Beautician, i pynemkaam Computer wa kiwi de kiwa daw ye u pynkupbor ya ki khynroo khyllood.

Neibynta kitu kiwa da em khih chwa dei yong ki hi, daw yahluti ki yow tip ki u yoh myntoi na ki Scheme kam ka CM-Elevate, Prime Hub wa kiwi de ki yarap wa e da ka sorkar.

Neibynta ki warep daw yarap wow rep saroo, u warah ki kor yow pynkhooid wei pynmih u kwai u pathai da kiwa miat, u chna umsoh kam na u satrooiñ wa na u sachram.

Heiyatoh wa ki kaam uiñke suwari, da ong u wa da em ki thaw kiwa ye u khriñ bha ya ki paidbah kam ka Sakhri, Lumtongseng, Sonapyrdi, Shymplong, Kuliang wa Borsara wei ya kini hap wow pynkylla kam kitæ ki thaw wow yoh myntoi kiwa chong chnong deiwa chim kabu chwa yeiwa miat ka chnong ka thaw.