Ka JAC Ri Loom Jaiñtia kawa kynthup ya ka AJCVA, RJTA, JYF, HNPF, MPUF da dap ki dei sñiawkhia neibhah wa u sarok Jowai Bypass nadooh Soomer hadooh wa poi Thadlaskeiñ da man u la kam u sarok kule, lada pait won cha u sarok Jowai-Shillong leh khamtam cha ki thaaiñ Mookyndur-Wah Mynso da man sakhiat u la kam i krem i kroh neibhah ka um da baam ko ya u sarok.
Ka JAC da ong ko wa u surok da sih u hadooh wa da em i por teiñ teiñ ki kari du wa yait thlu ki da booh ko hei maa ya i lai i wan. Kamtæ da pynkynmoo ya ki bor wa toh wow pait wa da toh wow pynchna noh ya uni u sarok waroh chilynter.
Ka JAC da ong ko leh wa kammon khrong poisa ka sorkar ha ki Toll Gate yow pynbha pynmiat ya u surok, kat u yoo u sarok won man u lakam u sarok kule.
Heiyatoh wa ini, neiliang ka JAC da dawa ko na ka sorkar wa toh ko wow rap smat wow pynchna ya uni u sarok khnang wow lait na iwon iwon i jia wa sñiawsih ya kiwa lai wa wan na u ni u sarok.
