I yoh ka Shillong Lajong wow psiah biang hapoh ka I-League ha kani ka samoi ym pu wanrah i yei jop hadien le sien wa da yalehke heiwa waroh da kut khlem em wa jop.
Ynnin hei yachem waka Sreenidi Deccan leh da kut da 2-2 kawa da pynman ha SSA, Stadium, Shillong.
Ka Sreenidi da yoh ko wow thap kool nyngkong haka minit wa 7 lyngba u Rosenberg Gabriel tangwa ka Lajong da ye ko wow su kylliang haka minit wa 24 lyngba u Ronney Willson Kharbudon wei da ye wow pyntam da ka kool wa thap uwa yalehke na Japan, u Takuto Miki haka minit wa 34 yow pynkut ya ka kylla step da 2-1 deiwa tam ka Lajong.
Ha ka kylla miet, ka Sreenidi da khnioñ bait ko hanla ka Lajong da pyrchang ko wow pynsuki ya ka yalehke, wei ha ka minit wa 63 da yohlaad ka Sreenidi wow thap lynbga u Gabriel hi.
Ka Lajong kattu na ki 3 tylli ki yalehke wa da ya Drawn lut da yoh ko 3 Point wei kattu daw yachem ko waka Gokulam Kerala FC ha kani ka 19 tarik ka sngi Sunday heipor 2:00 waje i sngi ha SSA Stadium, Shillong.
Discussion about this post