Ka Jaiñtia Students Union-Syndai Unit ynne ka sngi da lai yachem ko ya u Executive Engineering ka Meghalaya Energy Corporation Ltd. Jowai hapoh i yahkhmat u Vice-President u Bankerlang Lamurong ryngkat wa u General Secretary ka seiñ, u Heiplanmiki Tariang.
Ini i lai yachem da man i hadien wa dooh bordiñ ka chnong Syndai la kamwa le tayaw nei sih u Tansformer uwa pynpoi bordiñ cha Syndai Kmaichnong wa Syndai Mission.
Ka seiñ da ong ko wa i sih u Transformer da booh i hei eh i khoo ya waroh ka chnong khamtam ki khynnah skur.
Ka seiñ da e dorkhat ko leh ha u sahep wow chna pynmiat ya ki chrot bordiñ kiwa da dor wei kiwa booh hei maa ya kiwa chong chnong khamtam kiwa lai cha Muktapur.
Da dawa leh wow wan kylliang smat ya u Transformer wa thymme khnang wa ka chnong u che biang ko kamwa jooh.
