La man katwa man ym tynyap de i ya ka CAA: Amit Shah

Ynnin ka sngi da ki hajar ngut ki bru da mih paidbah ki cha ka yalang paidbah ka BJP ha Lucknow, Uttar Pradesh kam chibynta wow pynyoo ya i dak wa kyrchaan ya ka CAA, kani ka yalang da tip ya ka leh kam ka ‘Jan Jagran Abhiyan’.

Ha kani ka yalang u montri ka kaam pohyung ka ri, u Amit Shah da ong u wa daw kynjoh ka party ya 3 klur ngut ki bru hapoh ka Jan Jagran Abhiyan wei daw pynman ya hadooh 250 tylli kam kini ki yalang ha kylleiñ ka ri.

U Amit Shah da ong u wa ka Citizenship Amendment Act (CAA) ym tynyap de ya ka deiwa beiñ ya ka Congress kawa yaleh wow tympiah ya ka ri.

“I Ieh ym man i iwa che kdar ya kiwa pyrchah ya i wa la man katwa man ym tynyap de i ya ka hanlada em ki yakhih katwa em”, da ong u Amit Shah.  

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ha ka 16 tarik uni u bnai da pynman ya ka ‘Jan Jagran Abhiyan’ ha Vaishali, Bihar heiwa da wan da ki hajar ngut ki bru wow pynyoo i kyrchaan ya kani ka aiñ.