U Chief Minister ka Arunachal Pradesh, u Pema Khandu da beiñ joor u ya kiwa kreh ka Immigration ka China yeiwa da leh ki i wym ye u pdiang ya ka kynthai na ka jylla.
Kani ka kynthai da chah ksoh ko hadooh 18 kynta ha Shanghai Pudong Airport hadien wa kyntait kiwa kreh u tipmit ya ka Passport India yong ka.
U Pema da ong u wa man iwa khyrngiat yeiwa jia ya ka Pema Wangjom Thongdok, kawa sah ha UK wei ini i leh kiwa kreh ka China toh iwa daisarom.
Da ong u wa ka Arunachal Pradesh da man wei u man ko ka bynta ka India wei i lehbeiñ ya ka bru na ka ri man i wym ye u pdiang deiwa sñiawkmen wa ka Ministry of External Affairs ka sorkar pyrdi chimkhia ko yeini.
Neiliang ka sorkar pyrdi lyngba u Randhir Jaiswal uwa man leh kam uwa e ktien ka Ministry of External Affairs ka sorkar India, da ong u wa iwa ong ka Ministry of Foreign Affairs ka China wa ka Arunachal Pradesh man ko kam chibynta ka China toh i wym u pdiang wei lada kyntait ka China katwa kyntait wei mutdur ko katwa mutdur ko leh ym ye ko wow pynkylla yeiwa sakhiat.
Wei heiyatoh wa iwa jia ya ka kynthai kawa na Arunachal Pradesh, neiliang ka China ym pu em ye ki wow batai pynche yeiwa leh ki.
Da ong leh iwa jia ya kani ka bru toh deiwa tyngkheiñ ka China pyn ya ki kyndon ko heiwa chah ko ya kiwa lai luti lyngba ka China wow em ki bru 24 kynta hapoh ka ri khlem da emkaam Visa.
Discussion about this post