Kiwa dang yoh COVID-19 ha Meghalaya da neh ki hapoh 50 ngut la san sngi, hapoh 100 ngut la 29 sngi wa hapoh 200 ngut la 45 sngi heiwa ynne kiwa chait da boon biang ki ya kiwa dang yoh hadien ar sngi.
Kiwa dang yoh ynne ka 6 tarik da em ki 33 ngut, kiwa dang chait 47 ngut wei ym em kiwa dang yap.
Na kiwa dang yoh kiwa boon dooh toh ha East Khasi Hills (26), West Khasi Hills (03) wa ha Ri-Bhoi (02) katwa ha kiwi ki District ym em kiwa dang yoh.
Na kiwa dang chait kiwa boon dooh toh ha East Khasi (32) wa ha West Khasi Hills (09).
Ki District wa boon dooh kiwa dang chah ktah toh ha East Khasi Hills (263), West Khasi Hills (37), West Garo Hills (23), West Jaiñtia Hills (16) wa ha Ri-Bhoi (17).
Ki District wa duna dooh kiwa dang chah ktah toh ha South Garo Hills (00), South West Garo Hills (02), North Garo Hills (03), East Jaiñtia Hills (05), South West Khasi Hills (05) wa ha East Garo Hills (06).
Waroh kiwa da chait da em ki 97.81% kiwa em 81,993 ngut, kiwa dang chah ktah da em ki 0.44% kiwa em 377 ngut, kiwa yap 1.73% kiwa em 1457 ngut, deilang dapoi 83,827 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 17,91,966 sien heiwa ynne ka sngi da e 5429 sien wa kynthup ya ki HCW 19 ngut, ki FLW 54 ngut, kiwa 18 snem chaneiñ 4556 ngut wa kiwa 45 snem chaneiñ 800 ngut. Kiwa dang yoh tika ynne kynthup ki ya ki 997 ngut kiwa yoh yei sien wa nyngkong wa 4097 ngut kiwa yoh yei sien wa ar.
Waroh kiwa da yoh tika chisein da em ki 11,12,772 ngut wa 6,78,859 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
