U John Fankie Rymbai uwa man kam uwa yaleh RTI kamjooh u Social Activist na Ri-Bhoi District da booh ujor u ha u DC ka Ri-Bhoi deiwa ong wa chem u boon ki Truck wa kit mooyong kiwa wan na Khliehriat, East Jaiñtia Hills wa na Nongstoin, West Khasi Hills lyngba ka Byrnihat wa toh deiwa khlem ki kot ki sla wa biang wei kit ki 35 hadooh 60 MT iwa man pyrchah ya ki kyndon namo ki SOP wa da booh hapoh ka Revised Comprehensive Plan wa da pynmih ka sorkar ha ka 20-06-20 wa ka Notification MG.94/2011/ptI/180 kawa da pynmih ha ka 30-11-22.
Ha ka ujor da ong wa ha u January wa February uni u snem 2025, ki Truck kit mooyong da lai lyngba ki na ka Check Gate wa em ha Narang, Ri-Bhoi khlem da em ya ka Meghalaya Transport Challan wei klem da em GPS wa pynyoo neiwon wan ki wei yeini leh ymem thoh ha ki Mineral Transport Challan (MTC).
Ym em leh ki Bar Code Hologram wei ym em Scan ya kini ha ka Check Gate yow Uplink ki cha ka Website ka Meghalaya Mines and Geology Department heiwa yeini da toh u leh da iwa tip kam ka Meghalaya Mineral Truck Scanning and Monitoring System (MMT-SMS) yow tip neiwon i thaw wa da kit namo ka Coal Depot katkam wa da booh wei yeini da leh la soo snem heiwa kiwa yah Truck da rah donhi da ka Xerox Challan heithaw ka Original Challan.
Da ong leh wa yeini da ye wow leh du da kitu kiwa em hei bor deiwa khlem bood ya ki kyndon deiwa dat Seal wei soi ya ki Original Challan, u Scan ya ki Bar Code wei wow pyndap hapoh ka Ledger deiwa murieh.
Da ong u wa ini da wanrah ko yei dooh nong wa joor bha ya ka sorkar ha kini ki soo snem neibhah kini ki bru ym em su ki ya ka dan wa toh u su ki.
Da kam u leh wa da lai u da oo cha ka Weighbridge wa em ha Narang Umling neipor cheipor wei da ye u wow pyntikna yeini deiwa yaklam u wa kiwa yah Truck kiwa da khana kit ki 60 Ton wei iwa duna dooh toh 38 Ton iwa chong kat i boon chaka ka Truck wei ym em ki leh ya ka Original Chalan wa da toh u e da ki bor sorkar yow kit ya u mooyong wa da dai lilam da ka Coal India Limited heiwa da chah u kit 12 MT, 21 MT wa 34 MT donhi.
Da yoo u leh wa ka yung krehkaam ka chnat Transport wa DMR wa em ha Narang Weighbridge khlem da paitbniah ki ya ka Challan yong ki Truck wa chah u lai luti wei da pait du yei Number kari wa ka PDF File wa em ha ki Mobile Phone wa iwa em hapoh ka Ledger.
Da ong u leh wa da em i khrong poisa iwa Rs. 4000 na kiwa yah Truck da kiwa kreh ka chnat Transport katwa kiwa kreh ka DMR won da chim ki Rs. 90,000 kawi ka Truck wa em 14-16 chaka wei ya ki Dumper won da chim Rs. 80,000 ha Khliehriat wa Nongstoin yow lait ki wow lai luti deiwa khlem chah pynthut manda poi ki ha Ri-Bhoi District.
Da pynbaad leh wa ki Coal Mafia “High Level” toh ki bru ka sorkar MDA yow chim kabu kiwa pynlai ya kani ka chalan mooyong pyrchah ya ka aiñ wei yeini da yahkhmat da u bru wa tip kam u Kynsai War uwa man leh kam u Chairman ka chnong Mawryngkneng, East Khasi Hills tangwa uwa em Vote ha Khliehriat, East Jaiñtia Hills nadooh u snem 2023.
Chooh chooh da pynbaad u da em i krehlang u MLA ka thaaiñ Khliehriat wa kamjooh na Nongstoin deilang ki kattu katni ki heh pulit wa kiwa kreh sorkar ha kawi pa kawi ka District wa em i chalan tooh ya u mooyong.
Discussion about this post