Hadien wa yoh Takma Ksiar wa Takma Tama ka India ha ka Paris Paralympics 2024 ynne i sngi, hei janmiet da yoh sa ar tylli ki takma.
Kam wow kdaw heini ynne i sngi ka Avani Lekhara na India da yoh Takma Ksiar ko katwa ka Mona Agarwal won da yoh ko ya ka Takma Tama ha ka Women’s 10m Air Rifle (SH1).
Hadien ini ka Preethi Pal da toh ko ya ka Takma Tama ha ka Women’s T35 100m Race iwa man iwa nyngkong dooh ya ka ri wow yoh ya kani ka takma.
Neitæ won u Manish Narwal won da yoh Takma Rupa u ha ka Men’s 10m Air Pistol (SH1).
Ha uni u snem ka India da phah ko ya kiwa boon dooh kiwa chimbynta ha ka Paralympics heiwa da em 84 ngut ha ki 12 tylli ki jait yalehke.
Ini i chimbynta ka India ha kani ka lympung toh iwa boon dooh lada nujor wa ka Paralympics wa dadep ha Tokyo ha u snem 2020.
Ha Tokyo 2020 ka India da yoh ko hadooh 19 tylli ki takma wa kynthup ya 5 tylli ki Takma Ksiar, 8 tylli ki Takma Rupa wa 6 tylli ki Takma Tama.
Discussion about this post