Lada bakla sa chisien u jied daw chah rah lut plak iwa em ha Jowai: Moonlight Pariat

U kyrtong ka UDP na 2-Jowai Constituency, u Moonlight Pariat hawa klam ha ka yalang wa da pynman ha Dulong ha ka 23 tarik yow pynskem Primary Unit ka UDP yong ki 7 tylli ki dong pohchnong ka chnong Jowai wa kynthup ya ka Loompyrdi Iongpiah, Dulong, Panaliar, Loomiongkjam, Tep Pale, Chilliang Raij wa Umshangiar da paan u leh yei kyrchaan ki paidbah ya oo ha kani ka Election MLA 2023.

Neiliang u Moonlight Pariat da kyntu ya ki Unit ka Party waphær waphær wow kreh chitom wow lai psiah cha kawi pa kawi ka yung ka sem wa em ha ki dong ki chnat wow khut wow kyrsu lang ya ki lok ki jor wow wanlang ki chirup yow pynku ya ka Party wei wow pynjop leh ya oo yow ye u pyndep ya ki kaam wa angnood kiwa da thrang u wow pyndep wa ki kaam wa dang sahteiñ.

Da ong u leh wa kini ki 5 snem toh kiwa da chah ieh beiñ wei ka jylla yong i da em ko hei maa deiwa e nongmuna ya ka Yung Dorbar Chna Aiñ kawa da haap i tnoom kyllung wei tieñsaar wa ha kini ki 5 snem wa chakhmat ka jaitbru leh daw haap ko kamwa haap kani ka tnoom phrai næ.

Da e nongmuna u yei kreh u Nujorki ha Mowkaiaw Constituency uwa da wanrah hadooh T. 500 klur ki kaam pynroi hanla ym em man Montri sorkar u wei kamjooh leh u MLA ka Jowai uwa ym em Montri sorkar tangwa ym em wanrah u iyi iyi leh heiwa ka Jowai Constituency da toh nil ko.

Related posts

La du Rs. 1 chi churia yoh ka JHADC na ki Cement Factory da ye u su tulop kiwa kreh: Daiapherbha Lamare

December 26, 2024

Kwah u George wow psiah biang cha ka Congress yow yakhun MDC

December 23, 2024

Da ong u leh ka Jowai kam ka District Headquarter kawa dang toh u wanrah ya kiwa boon ki yung krehkaam tangwa kat u yoo da tdeh lut plak wei da chah rah lut wei da em i thmu wow booh ya ka Electrical Division ha Shangpung, ya ka Central Division da thmu wow rah cha Nartiang wei kiwa da dep rah da em ki 6-7 tylli, ha Jowai da tip sa du ya ka PWD North Division donhi heiwa cha chnong u MLA wa cha ka Constituency u kong yong oo da dep rah 5-6 tylli ki chnat. Ka Horticulture da dep rah cha Thadlaskein, ka chnat Labour kawa em ha Ladthadlaboh da dep chna ha ITI Khliehtyrchi su kyrriah donhi. Ka KVY da dep rah cha Wahiajer, ka Dairy Plant kawa em ha Jowai da chna katni hajan JNV Mukhla.

Kamtæ da ong u wa kajiak chisien daw lut warr wa chah tdeh na Jowai wei lada bakla biang ha uni u 2023 daw poi da u riat boohchong. “Ym toh de u yoh thiah i wei ym toh u chong sngi i ya lut pathan plak neini,” pynkut u Moonlight.