U Montri ka sorkar pyrdi, u Kiren Rijiju wa pait ya ka chnat Law & Justice hawa wan cha Shillong ha ka 22 tarik da ong u wa ka sorkar MDA wa yahkhmat da ka NPP da leh ko ya kiwa boon iwa bha hapoh ka Meghalaya.
Hawa klam wa kiwa thoh khubor da ong u wa kini ki kaam wa bha daw ye wow ngiat ya ki chakhmat lada ka BJP embynta ko deiwa rap heh hapoh ka sorkar.
Da ong u leh wa lada ka sorkar NDA ym yoh bynta ko deiwa rap heh hei synchaar khadar daw man ko i dooh nong ya ki paidbah wei lada ka BJP em ko i bynta wa rap heh daw yoh myntoi rap boon ki paidbah.
Da kdaw u leh wa ha kiwon kiwon ki thaw wa em ka BJP hei bor, ki paidbah da yoh myntoi bait ki neibhah ka BJP em ko du iwi donhi i thong itæ wow kreh niebynta ki paidbah wei ka Meghalaya emkaam ko rap boon ki MLA BJP.
