Lada em i kylla hei rukom bhah kreh daw poi ko cha ka yung bichaar: Rakkam

U Montri ka chnat puræ puthi ka jylla uwa man leh uwa yahkhmat ka NPP, u Rakkam A Sangma da ong u wa lada em i kylla ha ka rukom bhah kaam ha ka jylla na iwa jooh man, ye wow em i ktah heiwa daw poi chadooh cha ka yung bichaar.

“Nga ym klam O kam u Montri sorkar tangwa u klam oo kam u bru samen, wa iwon iwon i kylla hei bhah yoh kreh ha ka jylla, ye u yah cha ka dwar ka yung kasari yow bichaar hakhmat ka ain”, da ong u Rakkam.

Hawa klam cha kiwa thoh khubor ynne ka sngi, u Rakkam da ong u wym tip iyi wow mih wei chong i ha ka Expert Committee wow bichaar bniah wei lada em iwon iwon i jia, daw man ko i dooh wa khroo ya ki tre chnong ka Meghalaya wa kynthup ya ki Khasi, Jaiñtia wa Garo.

Da ong u wa lada i rai ka Supreme Court u krehkaam ko wym chah u bhah kreh palat ya ka 50%, daw man i dooh nong wa khroo ya ki tre jylla. Tangwa hanla kattæ leh, hap wow ap ya ka Report ka Expert Committee hajrong ini i bynta.

Related posts

Mynsoo joor ki ar ngut hadien wa noh ka Truck chapoh riat ha Ri-Bhoi

April 23, 2026

Maham ki muktiar ka East Jaiñtia Hills wow lai cha ka NGT lada ym yada ya ka Wah Litein nei thmu tih moochuni ka Shree Cement

April 23, 2026

Kam wow kdaw heini wa ka sorkar jylla da thung ko da ka Expert Committee yow puræ bniah ya ka Reservation Policy, wei da e por chi snem wow e kti ya ka Report.