U General Manager ka Food Corporation of India (FCI), u SK Yadav da ong u ynne ka sngi wa da em i sñiawthooh bakla wa em kam utæ u khoo Plastic.
Da ong u wa heipor chet wei lada pynlait wut-wut yei iñ, daw jem u phlæk wei ki bru da khut noh ki ya uni kam u khoo Plastic. Tangwa u chna ya uni u kloo wa da ong ki u khoo Plastic toh iwa sy’at dor hadooh kattæ kattæ bar ya oo khoo ka bei rym-aw. U General Manager da khana u wa da em kiwa ood ya utæ u khoo Plastic wei lada em sakhiat wa chem ya u khoo Plastic ye ki wow wan ujor cha ka FCI ka wow leh yeiwa emkaam.
Da ong u wa haddooh katni ym pu yoh pdiang iyi wa sih u khoo ha kani ka jylla.
Heijooh i por u Yadav da ong u wa ka FCI da em Stock ko kawa biang i marbaam nadooh u kew, u khoo, u atta tangwa ka FCI da e ko yei marbaam katkam wa jied ki sorkar jylla. Da ong u ha ri India em boon ki rukom jied ya u khoo katkam i sñiaw mon na kawi ka thaw cha kawi won.
Da pyntip u wa ha ka Open Market Sales Scheme Domestic (OMSSD), da lilam ya u khoo wa u kew ha i dor yong yaaw man-ka-tayaaw khnang wow pynneh yei dor yong ki khnang wa ki bru paidbah u yoh myntoi ki.
Da khana u wa ka FCI da chim ko ya ki laad ki luti wow pynbha yei chakri ya ki paidbah ha Meghalaya, Mizoram wa ha Tripura wa kynthup yei boon ki thaw booh marbaam wow pyntikna yei baam ya ki paidbah ha ka thaaiñ. Ka Stock wa da booh marbaam ha ka thaaiñ North East da ku cha ka 40% ha ki le snem wa da lai na ka 87070 MT cha ka 122636 MT. Kamwa 88000 MT toh iwa ye u booh namo ka Storage Capacity wa da em ha Meghalaya, Mizoram wa Tripura. Ka FCI da saam marbaam mynkna ko 7.5 lak Metric Ton hapoh ka Scheme Pradhan Mantri Garib Kalyan Anna Yojana (PMGKAY) nadooh u Naitung (Apr) 2020 hadooh Kmaichonglad (Dec) 2022 wa kynthup ya u khoo Fortified Rice hapoh ka NFSA.
Discussion about this post