U Montri Rangbah ka jylla, u Conrad K Sangma da pynsñiaw u yei sñiaw yong oo samen heiyatoh wa ka Uniform Civil Code (UCC) deiwa ong wa daw chitom bha u pynkrekaam ka hapoh ka ri India wa yaar wei boon ki jaitbru.
“Ka UCC ymtoh kawa suk wei kawa daw pdiang ke hapoh ka ri kam ka India neibhah lada pait wei pyrkhat donhi leh man ko iwa eh neibhah ka ri India man ko kawa em boon ki jaitbru kamjooh ki dustur riti, kamtæ yoo eh bha.”
Hawa kylli lada ka sorkar Meghalaya leh u chim ko yei rai kamwa da leh kiwi ki jylla wow wanrah da ka Resolution wow pyrchah yei pynkrehkaam ya ka UCC ha Meghalaya.
U Conrad da jubab u deiwa ong wa emkaam wow yoh u puræ chwa ya ka Bill manda pynmih ya ka wei kamwa man kattæ ym pu tip iyi em hapoh ka Bill wei ym nood u wow ong deiwa mutdur donhi.
Da ong u boi lada hapoh ka UCC ong ko wa ha Meghalaya i kur i jait toh deiwa kheiñ na ka kynthai daw pdiang smat yei pynkrehkaam ya ka UCC.
Kam wow kdaw heini wa ka jylla Kerala toh kawa nyngkong dooh ka jylla wow wanrah da ka rai hapoh ka yung dorbar chna aiñ wow pyrchah yei pynkrehkaam ya ka UCC wei da bood leh kiwi ki jylla kam ka Mizoram wa Nagaland wow pyrchah.
Discussion about this post