Lada jied da u kyrtong ka VPP daw pynjoor u du i mih napoh Parliament neidaw wa pyrchah Hindi: Prestone

U State President ka National People’s Party (NPP) uwa man leh kam u Symbood Montri ka jylla, ynne da ong u wa lada phah da u kyrtong ka Voice of the People Party (VPP) chapoh Parliament toh iwa pynsepai donhi neibhah wa man ki kiwa pyrchah ya ka ktien Hindi. Hajrong ini da kyntu u ya ki paidbah ka Khasi wa Jaiñtia Hills wym toh u chah pynbiej ki ha ka VPP.

Hawa e yei klam haka 3rd State Youth Conference ka National People’s Youth Front (NPYF), u Prestone da ong wa da em uwi u bru wa ong wa lada phah ya ka VPP chapoh Parliament, daw pynjoor ki du i mih napoh ka dorbar wei ym ye ki wow kreh neibynta ka san snem neidaw wa pyrchah ki yei pynemkaam Hindi tangwa hapoh Parliament waroh klam ki dei Hindi.

Kamtæ da ong u wa manda mih na ka yalang myntu ka sngi, toh u lai pynsñiawthooh paidbah wym toh u thap cha ka VPP, kawa pyrchah yei ktien Hindi neibhah u kyrtong ki daw pynman bait u da ka Walkout napoh Parliament. Wei lada mih napoh ka Parliament, daw man i iwa sepai.

Da pynkynmoo u leh wa du ha kani ka dorbar mang tangka kawa da dep pynman, ki Party wa em ha ka liang pyrchah da mih ki napoh ka dorbar wei yeini da yoo da waroh.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Da kdaw u leh wa hawa yieñ u Montri Rangbah yow e yei jubab hajrong ka mang tangka, neiliang ka Liang Pyrchah da mih pathan ki napoh ka yung dorbar.

Da ong u leh wa ye u man wa pait won ki hadien yeini wa jubab u Montri Rangbah tangwa da phylla won u wa u President ka VPP, u Ardent M Basaiawmoit da pynbaad bait u wa ka Meghalaya toh kawa dap ram, iwa mut wa u Basaiawmoit toh uwa pait won hadien yeiwa jubab u Montri Rangbah.

Da kyntu u leh ya ka liang pyrchah wow man kiwa sñiaw laitlooid yow paan pynche, “I kamra u Montri Rangbah toh iwa heh, i yong nga leh kamjooh, kamtæ nga khut oo ya ki wow wan chakhmat neibhah u Montri Rangbah toh uwa smat wow pynyoo biang ya ki.”

Ha iwi won i liang da ong u wa ka sorkar MDA-II toh kawa da poi cha ki moomær wym em wa ye ha ki 6 snem nadooh ka mang tangka, i pynlut yow wanrah ya kiwa boon ki kaam pynroi wei kitu kiwa kwah wow lai kbai cha ki yaaw ki haat ieh u leh ki neibhah du ini donhi tip ki wow leh deiwa klam heh.

Chooh chooh da ong u wa ka NPYF toh kawa chakri ya waroh ki bru Khasi wa Jaiñtia Hills ka jylla kawa maya ya ka jaitbru.

U Preston da ong u leh wa ha kani ka kynti, hei sien wa nyngkong, ka Meghalaya u phah ko ya ar ngut ki kynthai chapoh ka Parliament ki wow klem neibynta ki paidbah ka jylla.