Lada jop O, pynyoo wa jop ki kup chiliang sem chiliang, ki warep wa kiwa mylla sngi: Rikut Parien

U Rikut Parien uwa man u kyrtong ka Congress na Saphai Sahsniang, ynne ka sngi da ong u wa katkam wa man katni, ki aiñ hapoh ka District Council man ki kiwa tlot khamtam heiyatoh wa ki thaw ki bhaw wa man ki kiwa da rim deiwa pynrap wa da toh u lai katkam ka juk wa katni.

Da ong u wa hawa leh ya ki kot thaw kam ki Land Holding Certificate wa ki Patta da hap yieñ laiñ slem bha wow su ya ka bai Stamp kamjooh leh man ki ki kaam wa slem bha deiwa ong wa emkaam u pynthymme yeini deiwa pynemkaam ya ka Internet wa Computer namo wow leh Digitalization noh ya i rukom kreh heiwa hawa pyndap ya ki kot ki thaw ki bhaw wei wow su poisa toh u ye noh wow leh Online lyngba ki Common Service Centre wa em pyn hajan chnong.

Chooh chooh da ong u wa emkaam wow pynkhlan wei wow e bor ya ki Dorbar Elaka wa ki Dorbar Chnong khnang wow yada wow pynneh ya ka jaitbru wa kyrpang yong i.

U Rikut da ong u leh wa ka District Council em ko ya ka chnat Market kamtæ emkaam wow pynkhlan ya ka wow yoh kreh ki khynnah kamjooh leh wow chna ya ki Yaaw Dailang namo ki Wholesale Market khnang wow lait ki bru na baar jylla wow pynjemdor ya ki mar wa pynmih ki warep kam u saroo, chyrmit wa u syiñ.

Related posts

U yaleh wow wanrah da ka Direct Funding na Delhi cha JHADC: Manbha Lyngdoh

February 4, 2025

Sdang i yalap Election u Bison Roy Iano ha Raliang

February 4, 2025

Heiyatoh wa ki thaw wa pawnaam kam ha ka thaaiñ Saphai wa Iooksi wa em ka Wah Kulpi wa ka thaaiñ Sahsniang wa em ka Wah Myntang, u pynmih ya ka chnat Tourism khnang wow ye ki khynroo khyllood u seiñ kreh kam ki Home Stay namo ki thaw sah ya kiwa wan na baar wa kam kiwa yah luti namo ki Tour Guide.

Heijooh i por da ong u wa da thooh wei da chem wa duna bha i kreh ka Council deiwa kdaw ya ka Education Department heiwa i puræ puthi da hiar dor bha i.

Da ong u leh wa emkaam ya ka District Council wow e ko da ka hi ya ki Schedule Tribe Certificate cha ki bru yong i deiwa chna ya ka aiñ wa thymme heiyatoh wa ini.

Chooh chooh da ong u wa emkaam wow pynboon chooh ya ki chnat hapoh ka Council kamjooh wow pynkupbor chooh ya ka JHADC katkam ki bynta wa da booh ha ka riti synchaar ka ri.

U Rikut da ong u wa oo wan u na ka manyung wa dooh, kamtæ da kyrpaad u ya ki paidbah, manbei manpa kamjooh ki khynroo khyllood wow kyrchaan ya oo dei maya khnang wa oo leh u ye u wow chakri dei maya deiwa pynrap, “Lada jop O, pynyoo wa jop i ya ka spah ka wym khooid, wei u man leh i jop ki kup chiliang sem chiliang, ki warep wa kiwa mylla sngi.”