Ka MLA na East Shillong kawa da chah beh seiñ noh na ka Congress hadien wa lai kyrchaan ko ya ka sorkar Meghalaya Democratic Alliance (MDA), ka Dr. M Ampareen Lyngdoh da ong ko wa ympu yoh yutip ko wa ka All India Congress Committee da beh seiñ ko ya ka le snem.
Da ong ko wa kamwa man katni ki 5 ngut ki MLA ka Congress ymtip ki wa lada dang man dkhot ki yong ka Indian National Congress, namo da khanglaad donhi ya ki wow yakhun ya ka Election ha ki le snem.
Chooh chooh da ong ko wa ya katni ki 5 ngut hap yang chwa ki, lada ka Congress kyntait ko wow e Ticket neibynta ka Election MLA 2023 wa ha ki snem wow wan, daw hap pyrkhat noh ki deiwi tawon.
Ka Dr. Ampareen da ong ko wa neidaw wa ka Congress ympu beh seiñ ko ya ki hadooh katni, neiliang ki MLA leh ym jhan ki wow mih na ka Congress. Ha iwi i liang da ong ko wa lada ka Congress ym e Ticket ko wow chakri ya ki paidbah na ka Party daw hap lai noh ki da kawi ka luti deiwa syllok wa ki paidbah wa kyrchaan ya ki.
