U President ka Voice of the People Party (VPP) u Ardent M Basaiawmoit, ynne ka sngi da hiar u ha Iawthymme, Jowai wow e i klam paidbah hajrong ka phang “I pynlaitlooid ya ki paidbah ka Ri-loom Jaiñtia nei chah thombor heipor Election”.
Ha kani ka yalang pynche paidbah da wan emlang u MLA ka Mawlai u Brightstarwell Marbaniang, ki MDC ka JHADC, kiwa yahkhmat ka party VPP wa kiwi ki paaid wa kyrchaan ka party.
U Ardent hawa klam da ong u wa i wan hiar ka VPP ha Jowai ym mut du wow yoh nong heipor Election dei wow yoh ki Vote sñiawlem na ki paidbah, tangwa wow yoh ya ki Vote dei sñiawthooh yong ki, wei ym i klam du wow yoh yei sñiawlem tang wow klam yeiwa sakhiat.
Da ong u leh wa lada toh wa ki paidbah yoh ki yei mon laitlooid wow jied MDC ha ka Election, yei bor synchaar ha JHADC leh u ksoh ka VPP hi kamwa man ha KHADC.
Neitæ da ong u leh wa ini ymtoh du i klam wohdong wohnia donhi tang iwa da tip hi u yei sakhiat.
Discussion about this post