Ka KSU Wapung Unit da pyntip ko wa hadien wa yoh ujor ko na ki kattu katni ki paidbah wa chong chnong kiwa da wan wow yachem waka seiñ wa ki kari kamai Tourist da kit palat pood ki ya ki kyndon wa da booh da ka sorkar katwa ya i dor bai kari won da chim hi da i dor wa kit neidaw ka khlam COVID-19.
Kamtæ ka seiñ da ong ko lada ym bood yaka kyndon, yaka bai kari leh toh u pynduna noh khamtam ha kini ki por wa ki skur leh da sdang ki wow man biang, heiwa ki khynnah wa lai skur leh da chem chitom ki wow su bai kari.
Hajrong ini, ka KSU Wapung Unit da e ko da i thoh cha ka Jowai Lad Rymbai Khliehriat Tourist Association, heiwa da yoh leh yei jubab na ka Association kawa da ong wa lada kiwa chong chnong dang chem ki ya kiwa yah kari kiwa kit palat pood ya ki bru katwa yaka bai kari chim deiwa syad, ye ki wow phah yei Number kari wei wow pyntip lane ujor cha ka Association lane cha ka seiñ.
