Lada kwah lym kwah ki leh u chim ka USA ya ka Greenland: Trump

U President Donald Trump da ong u ka USA da emkaam ya ka wow mantre ya ka Greenland yow yada na ka Russia næ China kiwa daw chim ka mynried mankawi.

Da ong u wa hanla ka US em ko ya ki chipai yong ka kattæ ha Greenland katkam ka suskular u 1951 tangwa ini ym pu biang wow yada ya ka Greenland wei lada kwah lym kwah ki leh u chim ka USA ya ka Greenland.

Ka Greenland kawa em kamwa 57,000 ngut kiwa chong chnong da man ko kawa synchaar hi pyn da ya ka hi tangwa dang haap ko hapoh ka ri Denmark.

U Trump da ong u wa lada ym yada ka US ya ka Greenland daw wan da ka China næ da ka Russia, wei ym kwah u wow em kini ki ri kam ki jan yung ka America.

Da maham u leh wa ye wow leh deiwa suk næ deiwa khor iwa chong ha ka Denmark kammon kwah ko.

Related posts

Hadooh 180,000 Ton i Diesel u thied ka Bangladesh na ka NRL Assam

January 10, 2026

Najrong wa sih sarok sei kit palatpood wei khlem Challan deiwa su Rs.80,000

January 10, 2026

Ki ri kam ka France, Germany, Italy, Poland, Spain, Britain deilang ka Denmark da ong ki wa du ka Greenland wa Denmark kiwa ye u chim ya kam ini i rai.

Ka Denmark da ong ko wa lada em kiwa pyrchang wow chim ya ka Greenland, ka daw siat ko nyngkong wei yaklam won hadien.

Ka US kattæ da em chwa ko kamwa 100 ngut ki chipai ha Greenland wei lada leh dei bor, ka Denmark daw eh ko wow ye u yada na i bor thma ka USA tangwa ka Denmark won toh kawa em hapoh ka NATO iwa mut wa daw yoh ko yei yarap na ka.

Ka Denmark dei bor yong ka em ko du 17,300 ngut ki chipai katwa ka US em ko 1.3 Million ngut tangwa ki ri wa em hapoh ka NATO em ki deiwa kheiñlang 2.1 Million ngut ki chipai tangwa ka USA leh man ko kam ka dkhot ka NATO hi.