Lada poi ka BJP hei bor u pynman ya ka Meghalaya kam ka Model State: Amit Shah

Shillong: Ka BJP da beiñ joor ko ya ka sorkar Congress ha kani ka jylla deiwa pynbaad wa toh kawa baam-tooh ha kini ki 10 snem wa em ko hei bor.

Hawa klam ha ka yalang paidbah ka BJP ha madan Malki, Shillong ynne ka sngi, u President ka BJP u Amit Shah da ong u wa ki paidbah ka Meghalaya toh u pyllait san chyieñ noh ki ya ka Congress kawa da synchaar baam-tooh ya ka jylla Meghalaya ha kani ka Election ka wow man ha ka 27 tarik uni u bnai.

U Amit Shah da ong u leh wa ka jylla Meghalaya ymye ko u pynlut ya ka poisa hadooh 70% wei ka em ko 68% i duna kiwa sikai skur ha ka Subject Science wa 70% ki thaw nongkyndong wym em Doctor.

Da ong u leh wa ha kini ki san snem wa synchaar ka Congress ha Meghalaya ki paidbah ki ym yoh ki wow sñiaw iyi ki kaam wa bha tangwa mih du ki kaam baam-tooh suda ha ki tnat sorkar waphær waphær nadooh tnat PHE, ka tnat Mining, ka baam-tooh ha ka thung kaam ya kiwa sikai, i thung kaam pulit wa kiwa boon ki kaam baam-tooh suda.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

U President ka BJP da sai u leh yei kheiñsap ki Scheme wa da e da ka sorkar BJP ya ka Meghalaya wa kynthup ya ka mang poisa ya kiwa yoh ram na ka MUDRA da poi ko T.463 klur, Swaachh Baharat T. 40 klur, Urban Scheme T. 46 Klur, Atal Mission Scheme T. 80 klur, ka kaam uiñke suwari T.100 klur, surok na Phulbari T. 90 Klur, sarok Jowai T. 67 Klur, JN Stadium, Polo T. 4 klur, sarok Umden T.43 Klur wa sa kamwa T.630 Klur kawa dang em katni kawa ympu em pynkreh.

U Amit Shah da kylli u cheiwon u Dr. Mukul Sangma booh u ya kani ka poisa wei da pynbaad u wa u Dr. Mukul da pynemkaam bakla u ya ka poisa yow myntoi samen u.

Da ong u wa lada ka BJP u wan ko heibor, u pynman ki ya ka Meghalaya kam ka Model State heiwa ka kaam uiñke suwari toh kawa kongsan dooh wei kawa booh ha khmat dooh kam ka laad kamai ya ki khynroo khyllood hadien wa chah khang u mooyong.

Ha kani ka sngi, da synraan lang ya u Amit Shah da u Shibun Lyngdoh u President ka BJP Meghalaya, u KJ Alphons u montri kaam uiñke suwari ka ri, u Nalin Kohli uwa pait ya ka BJP Meghalaya, u Pratap Rudy u MP, u Ram Madhav wa kiwi.