U President ka National People’s Party (NPP) Meghalaya, u Dr. Wanwei Roy Kharlukhi da ong u wa hadien ka Election ha Sohïong daw em bait i kylla hapoh ka sorkar, wei da pynsñiaw u ya katni ym pu ye wow batai yei kylla lada daw man iwa joor lane iwa malu mala.
Da ong u wa da yoh sñiaw wa ka UDP da maham ko ha ki rynsan yalap Election wa lada jop na Sohïong daw pynkylla ya ka sorkar, heiwa da pynrap wa jooh man lada em kiwa maham, bha wow husiar ya chah sai pathan ki na ka sorkar.
Hawa kylli, uwa yahkhmat ka NPP da ong u wa hachwa wow chna ya ka sorkar MDA-II, ka UDP da pyrchang ko wow knieh yei synchaar, tangwa ym ye ki wei hadien da wan ngooh wan dem wow em ha ka sorkar.
U Dr. Kharlukhi da ong u leh wa lada sai noh ya ka UDP ym ktah ko ya ka sorkar iyi iyi.
