Ki pulit ka Kolkata daw sdang noh ki wow pynkrehkaam yaka “No Helmet, No Fuel” namo wym yoh phñiang lada ym sap Helmet nadooh ka 8 tarik uni u bnai kam chibynta wow yada nei mynsoo iwa yah chadooh chei dooh yei mynsien nei tyrrah kari wa kiwi ki jait pynmynsoo ya kiwa yah thuk thuk.
KI pulit da ong ki wa ym chah ya kiwon kiwon ki Petrol Pump wow dai phñiang ki cha kiwa wan da ki kari ar chaka ki wym em sap Helmet lane uwa chong hadien toh u wym em sap Helmet.
Ya ini i jooh leh da dep pynkrehkaam ha Noida, Aligarh wa ha Bengaluru.
Ki tre Petrol Pump da ong kiwa ki pdiang ki ya ini i leh ki pulit tangwa emkaam ki wow emlang ki pulit yow ye u pynkrehkaam ya ini.
Na ki 10.8 lak tylli ki kari wa da Register ha Kolkata ha u 2019 aw jan chiteñ toh ki ar chaka wei i boon ki kari ar chaka da ku ki na 83,00,00 tylli cha ka 93,00,00 nadooh u 2017 hadooh 2019.
Ki pulit da ong ki wa ki bru kiwa da chah daiñ kuna ki wym em deiñ Helmet da ku i da boon boon chah kamjooh kitu kiwa kit ya kiwa ym em deiñ Helmet.
Ha u 2019 da em 32,600 sien wa yatoh wa i yah kari khlem akor da kiwa yah ar chaka wei da ksoh leh la 60,00,00 sien ya ki wym em deiñ Helmet.
