Ka seiñ JSU-Moodymmai Unit hapoh i yahkhmat u President yong ka u Nevercare Passah, ha ka 14 tarik uni u bnai da lai yachem ki wa u DC ka West Jaiñtia Hills yow ujor yei slah dooh Network iwa da slem bha hapoh ka chnong Moodymmai.
Ka seiñ da ong ko wa u Tower wa em ha chnong toh u wym ye u krehkaam kamwa emkaam heiwa hadien 10 waje i miet da tympleh ya oo heiwa da dooh wow Phone wei wow pynemkaam ya ka Internet wei da ktah bha manda em i jia wa jhan kam hei kjut i chitom.
Ka seiñ da ong ko leh ha kini ki por wa em sa ka Online Class, da chem chitom bha ki khynnah skur wow leh yeiwa emkaam ki.
Ka seiñ da kyrpaad ko ya u DC wow chimkhia ya ini i kaam heiwa u DC da kular u wow yaklam waka Company yow pynbiang ya ka Network hapoh ka chnong.
Ka seiñ da ong ko leh wa lada ym ye ka Company wow pynbiang Network khamtam ha kini ki por wa ka khlam bha wow pyndam noh u booh ya u Tower chisyndon.
