U Madonbai Rymbai, uwa man kam u CEM warim ka JHADC, ynne hawa yachem wa kiwa thoh khubor ha Jowai da pynbna u yei kyrchaan yong oo ya u Awhai Andrew Shullai kam u kyrtong MLA na Jowai Constituency wei i kyrchaan u man i kam u bru samen ym toh deiwa psiah cha kawon kawon ka Party.
Da pyntip u leh wa oo kattæ ym em u hapoh kawon kawon ka Party wei da dep u leh wow mih napoh ka NPP ha u Khonchonglad (Nov) 2019.
Tangwa heijooh i por da pyntip u wa ka BJP da dep ko wow kynjoh ktien ya oo wow man leh kam u kyrtong ka Party wow yakhun MLA na Jowai Constituency wei daw pynbait khaddooh yeini ha ka 15 tarik.
Kamtæ da ong u wa oo ye u wow chimbynta ha kani ka Election MLA 2023 neibhah dang biang i por tangwa lada ym ye u wow poi chei sñiawthooh wa ki heh kani ka Party BJP, daw lai kyrchaan noh u ya u Andrew Shullai kam u kyrtong ka TMC wei u kyrchaan u kam u bru samen ym toh deiwa psiah cha ka Party TMC.
