U Deputy Commissioner ka East Jaiñtia Hills District da pynman u ya ka yalang wa ki Waheh Chnong deilang wa ki Secretary chnong ka Saipung Sirdarship ha chnong Saipung ynnin ka sngi.
Palat 20 tylli ki chnong da wan ki wow chimbynta heiwa da yaklam yei pynkrehkaam ya kiwa boon ki Scheme wei da yaklam leh yei chem chitom hawa pynkrehkaam ya kini ki Scheme.
Ha kani ka yalang da em leh ki heh ki chnat kam ka PWD (R), PHE, MeECL, SDSEO, BDO Saipung heiwa da chim ki yei ood ki paidbah kamjooh leh yeiwa dawa. Heiwa neiliang u DC da pyntip u wa daw leh yeiwa emkaam yow pynsuk ya ki paidbah.
Neiliang ka Synjuk Waheh Shnong Ri Jaiñtia Saipung Sirdarship Circle leh da e dorkhat ko yow dawa kyrriah thaw noh ya ka yung krehkaam ka Saipung Block.
