Deilang wa ka ri waroh kawi, ka jylla Meghalaya ynne da lehkmen ko ya ka sngi laitlooid yong ka lyngkhooh dap 75 snem ha kylleiñ ka jylla.
Ha ka nongbah ka jylla ha Shillong, u Montri Rangbah ka jylla u Conrad K. Sangma da pynhær u ya ka lama ka ri ha madan Polo Ground, Shillong wei da chim u leh ya ka Rashtriya Salute ya ki le tylli ki dhab wa chimbynta ha ka Parade wa kynthup ya ka BSF, CRPF wa SF10, Meghalaya Police deiwa emlang ki Brass Band ka Border Wing Home Guards.
Ha kani ka sngi, u Montri Rangbah da pynlait u leh ya ka kot wa e pyrtuid “Celebrating India@75”, kawa da pynmih deiwa ya krehlang ka chnat Department of Arts and Culture waka Synod College Management Authority deilang wa ka Meghalaya Freedom Song, kawa pynkreh da ka chnat Arts and Culture, ka sorkar Meghalaya kam chibynta wow lehkmen yei dap 75 snem i yoh laitlooid ka ri India.
U Montri Rangbah da pynkup burom u leh ya ki wakreh ka chnat i chait i khiah wa ki Front Line Worker kiwa da kreh khlem sangeh yow yaleh pyrchah ya u khñiang khlam COVID-19 heiwa da ekti ya ki dak burom yong ki cha Dr. R. Tariang, Dr. P. Manners wa u Dr. Robert Marak.
U Montri Rangbah da e u leh ya ka khusnaam hapoh ka Megha Health Insurance Scheme (MHIS) wa Pradhan Mantri Jan Arogya Yojana (PMJAY) cha ka Mawsynram CHC, Laitlyngkot PHC wa Diengiei PHC kam ka CHC wa ki PHC kiwa krehkaam bha dooh.
Kam chibynta i lehkmen, da pynbna leh yei pyrtuid ki wow yoh ya ka President Police Medal for Distinguished Service kiwa kynthup ya u Heimonlang Nongpluh, IPS, Addl. Director General of Police (SB/CID), Meghalaya, Shillong. Ka Police Medal for Meritorious Service cha u Manoj Singh, UB-Sub-Inspector, Computer Wing PHQ, Meghalaya, Shillong. Ka Union Home Minister’s Medal for Excellence in Investigation cha u Anurag Kumar, IPS, Dy. Inspector General of Police (WR), Meghalaya, Tura wa u Banraplang Jyrwa, MPS, Dy. Superintendent of Police (City), East Khasi Hills, Shillong. Ka Police Medal for Gallantry cha u Constable Dansing Lyngkhoi, UBSI, u Ahmed Ali Sheikh, UBSI, u Tony M Sangma, Constable Tushar F. N. Marak, UBSI, u Ronald Life Snaize Nongrum, U/Lnk Prem Bahadur Chetry, u Constable Farewell Sohshang wa u Constable Luckystar Lyngdoh Nonglait. Ka Fire Service Medal for Meritorious Service cha u Cleverest Marbaniang, Fireman wa u Stalinshon Wahlang, Driver Constable waka Fire Service Medals & Home Guards & Civil Defence Medals for Meritorious Service cha u Social Dkhar Havildar (HG) wa u Romulus Pynbhalang Khongwar Senior Staff Officer (HG).
