Jowai : Kam chibynta wow ptein yei lehwarom yei dap 75 snem næ ka Platinum Jubilee ka skur Govt. Boys Higher Secondary Jowai wada sdang nadooh ka 26 Naitung (April), ha kani ka tayaw waroh chi tayaw da pynman ya ki prokram wa ha rukom kam ka yakop quiz, debate, chaad, rwai, wa kiwi kiwi.
Ynne ka sngi da pynkut yaka Co-curricular Activities heiwa da wan sakhi da kiwi tawan ki skur kamjooh ki khynnah skur warim.
Ka Principal ka skur, ka kong M. Pde hei klam da e khublei ko ya waroh kiwa da wan chim bynta kamjooh kiwa sikai skur.
Ha kani ka sngi da saam leh yaki khusnaam cha kiwa jop ha ki yakop kam ka traditional dress heiwa yei naam jop da yoh da u Daniel Shadap naka dhab Panther, wa ar u Kamwakwah Kam naka dhab Tiger, wa le cha ka Merciful Niang naka dhab Rhino.
Haka yakop Solo Singing (Senior) da rah da ka Ardaki Lamare naka dhab Giraffe, wa ar u Bormitre Kyndiah naka dhab Panther wa le won cha u Wandame Dkhar naka dhab Tiger. Haka junior category da rah da u Iakyrdami Nongpluh naka dhab Zebra, wa ar u Wanpynshngain Laloo naka Zebra wa le won u Kamailang Dkhar naka dhab Giraffe.
Haka yakop Jaiñtia Cultural Quiz da rah da ka dhab Giraffe wa mihkhmat da ka Ibani Langstang wa ka Fancy Suchiang, wa ar ka dhab Zebra wa mihkhmat da u Rediancy Suchiang wa u Dathrang i Kyndiah wa le won ka dhab Tiger wa da mihkhmat da u Dikerson Sana wa u Kamwakwah Kam.
Discussion about this post