Jowai: Ka Behdieñkhlam yong ka Raij Tuber ynne ka sngi Musiang da man ko kawa lai bait heiwa dang step da pyndep ya ka lehniam Kñia Ryngkaw, ha Mukoi Ryngkaw da u Langdoh wa ki Wasan ka Raij.
Hadien wada pyndep ya kani ka kñia, hei sngi nawon da pynpoi ki Phangwah waki Phangneiñ ya ki Bhang Niam ha Biar Aitnar Tuberkmai Shnong khnang wow ye u pyndep ya ka lehniam mynstep ka sngi Muchai.
Ka Behdeiñkhlam ha uni u snem yong ka Raij da man ko kawa phær neibhah wa da haap bood ya ki Special Operating Procedure ka sorkar khnang wow khang u yada na ka khlam COVID-19.
Neiliang ki heh yong ka Seiñraij Tuber da pyntip ki leh wa ha kani ka lehniam Behdeiñkhlam yong uni u snem da khang pyrchah ya ki paidbah wym hoi u wan sakhi ki ya kani ka lehniam.
Da pyntip leh wa da chah du ya kiwa lehniam donhi kiwa ye u wan deiwa bood thij ya ki kyndon aiñ wada phah da ki bor sorkar.
Chooh chooh ka Seiñ Raij Tuber da e khublei Behdeiñkhlam wasuk wa kmen ko ya ki khon ka Raij wa ki khon ka Ri-loom Jaiñtia waroh kawi wow yoh yei bha i miat wei wow beh noh ya kani ka khlam kjut COVID-19.
