Ynne ka sngi ki bor District ka West Jaiñtia Hills hapoh i pait ka District Disaster Management Authority (DDMA) da pynman ki yei pyndur wa khih khmi wa i oor khyndaw kawa tip kam ka Mock Drill on Earthquake and Landslide heiwa yeini da leh kamjooh ha kylleiñ ka jylla wa pynman da ka State Disaster Management Authority (SDMA) waka National Disaster Management Authority (NDMA).
Ya ini da sdang deiwa pynkieh ya ka Siren heipor 9:00 waje i step wa pyndur wa khih u khmi heiwa da pynman yei lai e yarap ha Iaphi Shopping Complex, ha Bharat Petrol Pump, Gate Laban, ha Presbyterian School, Mission Compound, Jowai wa ha Loomkyrwiang Urban Health Centre.
Ha kani da Mock Drill da pyndur kamwa chah ban ha ki moo ki dieñ, i em kiwa sahkut hapoh ki yung ki sem kiwa da emkaam yarap wow pynlait im ki heiwa da kit da rah ya ki cha ka thaw sumaar deiwa booh ya ka Relief Camp ha Madan Biar, Pohskur.
Da wan wow ya chimbynta da kiwa boon nadooh ki Doctor, ki Nurse, ki heh District, ki pulit, ki SDRF, Fire and Emergency Services, ki khynnah skur wa kiwi kiwi de.
Discussion about this post