Ka lehniam Durga Puja yong kiwa ngait niam Hindu ha Jowai ynne ka sngi da poi ko cha wakut heiwa da pynngam um lut ya ki Blai ha Pohkhyllem iwa man ka bynta yong ka wah Myntdu ha Jowai.
Ya ini i pynngam um da wan sakhi ki paidbah na kylleiñ ka Jowai hei emlang ki bor ka aiñ wa ki bor District.
Ha Jowai da sakhi yei chaad ki paidbah naddooh na Shiv Mandir iwa em ha Iawmusiang, heiwa da chaad kiwa ngait niam Hindu deilang wa i sur wa kieh hadooh wa poi ha Pynthor Wah ha wah Myntdu iwa man i thaw wow pynngam ya ki Blai.
Kiwa tymmen chade wa ki khynnah won da bood ki tymbud luti hadooh wa poi i thaw wow pynngam um ya ki Blai.
Ini waroh da man i iwa lai bait wei da ye wow pyndep dei suk i saaiñ, dei mynsien wa kmen kiwa ngait ka niam Hindu.
Discussion about this post