Jowai : I lai paidbah chirup wei rah lama yong ki artylli ki seiñbhalang na Ri-Loom Jaintia kiwa kynthup ya ka Hynniewtrep Achik National Movement, Jaintia Hills Unit wa ka West & East Jaintia National Council ynne ka sngi da man i iwa laibait ha Shillong.
Ini i lai paidbah kini ki ar seiñ toh hajrong ka phang wow dawa na ka sorkar wow pynmih paidbah yaka takit (report) hei yatoh wa i chah siat yap ki ar ngut ki bru ynnin snem ha u Naichiphaw wei wow beh kreh ya waroh kitu kiwa emkti.
Ya ini i lai paidbah chirup wei rah lama yong kam ka dak wow pyrchah ya ka sorkar da sdang nadooh na Madan Malki wei da lai tymbud luti na Lower Lachumere chadooh cha Additional Secretariat heiwa da pynkut ya ka. Hadien wa da pynkut yeini i lai paidbah da em leh ka yalang wa tbian.
Ynne ka sngi kini ki ar seiñ chirup wa ki paidbah da rai ki wa u e por ya ka sorkar hadooh 10 tarik wow pynmih paidbah ya ka takit næ enquiry hei yatoh wa i chah siat yap ki ar ngut ki bru ha Mookhep ynnin snem kiwa kynthup ya u Dires Siangshai wa ka Setlang Phawa. Ha kani ka laipaidbah ca chimbynta leh wa kiwa ha yung ha sem yong kiwa chah siat yap.
Neiliang yong ki ar seiñ da pyntip ki leh lada ka sorkar ym pynmih paidbah ko ya kani ka report ha ka 10 tarik, daw chong pyrkhat biang ki yei wadaw leh ki heiyatoh wa ini pyn ha ka 10 tarik.
Discussion about this post