Khliehriat: Ynne ka sngi ki kattu katni ki dukan dukdoh wa dai baam hapoh East Jaiñtia Hills da man ki kiwa wai hadien wa pynmih hukum ki bor District heiyatoh wa ini.
Ki dukan da wai ki ha East Jaiñtia nadooh 10:00 i step hadooh 1:00 i sngi.
Yow lait nei yaknieh da sakhi wa ki paidbah wa lai thied mar da yieñ ki ha ki thaw wa da booh heiwa da liar ya u ang hei dur ka synduk wa ka kyrwiang wow jngai iwi na iwi wei wow yang ya ka pali yong ki wow thied mar.
Ha ki dukan kiwa da wai da yang leh ki pulit wow pyntikna wa lai bait i dai mar khlem mih iwon iwon awri.
Neiliang u DC ka District, u FM Dopth da ong u wa i dai mar baam hapoh ka District da man i iwa lai bait wei ym em u duna ki mar ha kini ki dukan neibhah wa da hukum ya ki dukan Wholesale wow pynpoi ki ya ki mar cha kini ki dukan.
Da pyntip u leh wa ki mar baam dang man ki kiwa dang dap hapoh ka District wei ym em iwon iwon i duna.
Heiyatoh wow wai biang ki dukan ha ki sngi wow wan, u Dopth da pyntip u wa daw sylli yei emkaam hei janmiet myntu wei du hadien itæ donhi u ye u rai kammon u leh khamtam hawa yoh ya ki yutip na ki Waheh Chnong waphær waphær hapoh ka District.
Discussion about this post